2 дох 7 хоног ба үзсэн кинонууд

2 дахь долоо хоног үр дүн муутай 7 хоног боллоо :( . Ихэвчлэн 10н цагт босож шөнө нэг хоёр өнгөрөөж унтаж байсан. Шинээр ирж буй долоо хоногтоо ийм явдал гаргахгүй байхыг хичээнээ.

Үзсэн кинонууд маань сандалтай холбоотой байсан болохоор би ч гэсэн модон гоё сандал хийж үзмээр санагдаад байгаа. :))

Tokyo Serendipity (Koisuru madori)

Би энэ (Ryuhei Matsuda) эрэгтэй жүжигчний фен нь болоод тоглосон бүх кинонуудыг нь үзэж байгаа :)

Ерөнхий үйл явдал нь нэг охин ганцаараа амьдрахаар болоод нэг байшинд нүүж ордог юм. Тэгээд дээд давхарынхаа залууд сайн болж гэнээ. Харамсалтай нь тэр залуу нь найз охинтой , найз охин нь манай гол дүрийн охины найз. Тэгээд л нэг тйимэрхүү. :))
Сонирхож байвал линкэн дээр дараад илүү дэлгэрэнгүйгээр нь уншаарай :P

Би дахиж үзнэ гэж бодож байгаа. Солонгос сайтнаас япон дуу оруулгатай үзсэн болохоор 10 %(Япон хэл) + 30%(Солонгос хэл)+20%(Дүрс)=60% л ойлгосон.

Гол дүрийн 2 охин нь 2лаа сандал хийдийн. Надад 2лаа суудаг сандал нь их таалагдсан.

Дараа нь татаж аваад хадгалнаа.

Beauty Inside (뷰티 인사이드)

Энэ баахан алдартай жүжигчдийн цуглуулга болсон кино.

Гол дүрийн залуу 18насны төрсөн өдрөөсөө эхлээд өдөр бүр өөр хүн болж өөрчлөгддөг. Тэгээд нэг удаа дэлгүүрт гол дүрийн бүсгүйд дурлаад энэ 2 аз жаргалтай байх ч зарим  нэг асуудал тулгарч тэрийгээ хэрхэн даван туулж байгааг үзүүлнэ.

Гол дүрийн залуу нь найзтайгаа хамтарч тавилга хийдэг. Сандал хийхдээ зөвхөн тэр хүнд зориулан хийдэг. Нээх гоё хэхэ.

Линкэн дээр дараад нэмэлт мэдээлэл авч болно.






Ирж буй шинэ 7 хоногтоо өглөөний хүн болохоо идэвхтэй хэрэгжүүлнээ . Амжилт *^^*

Өглөөний хүн 1дэх 7 хоног "Өөрчлөгдөх боломжийг бүү алд"

9.12 10'00 - 22'45

9.13 10'00 - 22'45

9.14 06'15 - 22'45

9.15 07'00 - 22'45

9.16 10'00 - 00'15

9.17 07'00 - 01'00

9.18 09'30 - 02'00

За ингээд өнгөрсөн 7 хоногт боссон , унтсан цагууд маань байнаа. Өглөө 6н цагт босно гэдэг бас л хэцүү болсон байна лээ T^T Номон дээр болохоор өглөө 5д босоод 11т унт гэж байгаа шд . Би бол 7н цаг унтахаар шийдсэн. Өглөө 6 н цагт сэрэхээр бүр таг харанхуй тэгээл буцаал нүдээ аниал унтаж байгаам даа :)) . Бас манай өрөө хүйтэн байгаа болохоор босох бас хэцүү л байнаа гээд шалтаг тоочлоодоо. Гэхдээ ерөнхийдөө 10 цаг босдог байснаа 9 болоод урагшилсан өөчлөлт бас оржээ. Тэгээд одоо 7д босч байгаад цаг урагшилахаар 6 болгочихдог юм  билүү гэж бодож байгаа.

Дасгал хөдөлгөөн бол огтоос хийсэнгүй ээ . Хийнээ дээ тэгээд.

Хоолны дэглэм гэвэл 5н цагаас хойш юм идэхээ больсон. Чихэр шокладаа больсон. Ундаагаа больсон. Би энэ фейсбүүк дээр байгаа Цэцэг Бямбаа гээд эгчийг бүр шүтэж байгаа. Нээх хөөрхөн тэр видеонуудыг үзээд байхад өөр дээрээ туулсан юмаа бусаддаа зааж өгөөд би чадсан та ч чадна гээд үзэхээр л нээх урамтай. Фен болсоон :) Та нар ч гэсэн энэ эгчийн хөтөлдөг пейж руу ороод үзээрэй. 

За дараа 7 хоног хүртэл баяртай :)

Өөрчлөлт шинэчлэлт

Саяхан төрсөн өдөр болоод :) Хэд хүрсэн бэ гэжүү? Тавийн тал руу дөхөж л байна хаха. Анх  удаа гэрийнхнээсээ хол төрсөн өдрөө тэмдэглэсэн. Сэтгэл бага зэрэг хоосон T^T Гэхдээ найзууд маань үнэхээр гоё тэмдэглэж өгсөн. Ангийн найзууд маань дуу дуулж өгөөд хамтдаа торт идээд оройжингоо хөгжилтэй юм яриж баахан инээлдэцгээсэн. Бас нэг Mainz-д байдаг нэг найз маань гэртээ уриад бууз , нийслэл салат хийж өгөөд дээрээс нь бас гоё бэлэг өгсөн. Одоо дахиад бас хэсэг найзуудтайгаа тэмдэглэнэ гэчихсэн байгаа :)) Хэдий гэрээсээ хол байгаа ч гэсэн энэ 1 жилийн хугацаанд намайг гэх зөндөө хүмүүстэй танилцаж нөхөрлөсөн болохоор үнэхээр их баяртай байна.

За гол яриандаа ороод өөрчлөлт шинэчлэлт хийх хэрэгтэй байнаа. "Бүсгүй та эргэлзэлгүй яв" гээд номоо дахин уншаад өөрийн зарим нэг муу зуршлаас холдох хэрэгтэйгээ дахин ойлголоо. Тэгээд аль дээрээс хэрэгжүүлэх гээд чадахгүй байсан өглөөний хүн болохоор дахин шийдсэн. Маргааш 9.12 ноос эхлээд 14н долоо хоногийн турш өөрчлөлтийг өөр дээрээ хэрэгжүүлэхээр шийдлээ хохо. Тэгээд 7 хоногийн ням гариг бүр  үр дүнгээ бичиж байнаа.

Дараагийнх нь бага зэрэг хоолны дэглэм барихаар шийдсэн. Бага зэрэг турах санаа байгаа бас заримдаа юу ч идэхгүй нэг идэхээрээ асар их иддэг , ихэвчлэн гоймон л иддэгээ өөрчлөөд олон төрлийн ногоо идэж чихэрээ багасгаад жимсээ ихэсгэе гэж бодож байгаа.

Асар их ордог FB-ээ болимоор байнаа. Яаж гэдгээ мэдэхгүй байна.

Бас сунгалтын дасгал хиймээр байнаа . Гар хөл хүйтэн дасгал нтр хийвэл цусны эргэлт сайжраад дулаацах байх тиймээ хэхэ

Би бас бараг Mainz руу нүүхээ шахсан. Тэгээд мөнгө чухал уу цаг чухал уу гэдэг сонголтоос цагийг нь сонгоод нүүгээгүй ээ.

За тэгээд эдгээр өөрчлөлт шинэчлэлтийг хэрэгжүүлээд үр дүнгээ хэлнээ.*^^*

~~~~~~~~

Өмнө нь нээх сүртэй бичлэг байсандаа цаг хугацааг буцааж болдог бол нтр гэсэн хаха. Яг тэр өдөр бас л сайн шаналсан шүү . Юу болсон вэ гэхээр аав ээж 2тоо урилга явуулахаар болсон юм. Тэгээд нөгөө гадаад улс хариуцсан газар нь цаг аваад л очвоо. Нөгөө хүн нь англи хэл мэдэхгүй болохоор найзтайгаа хамт явсан юм. Тэгээд баахан юм болж болж урилгаа авсан. Уул нь нээх их сүртэй юм болохгүй л юм байна лээ. Өдөртөө л гарчихдаг юм байна лээ. Тэгээд гэртээ очоод урилгаа авчихсан их л додигор амьтан интернетээр яриж байсан чинь гадаад пасспортын дугаар нь буруу биччихсэн байсан.  Шууд сэтгэлээр унаж байгаа юм чинь. Өглөөний хүн дээр яаж очноо гээд баахан шаналсан. Аав болохоор харин ч эрт мэдсэн нь сайн юм боллоо гээд би энд маргааш яаж очиж засуулнаа гэсэн хүн хэхэ. Тэгээд маргааш нь болж бөөн айдас болоод очсон нь нөгөө хүн нь байхгүй оронд нь өөр хүн байсан. Засах нь ч гэсэн үнэн амархан. Буруу бичсэн  дээр нь дараад хажууд үзгээр бичээд тамга дараал болоо . Тэгээд аав ээж 2 маань амжилттай энд ирээд 2 долоо хоног энүүгээр тэрүүгээр явж байгаад буцсан даа. Овоо гэрээ санахгүй байсан чинь тэр 2 буцаж явсны дараа буцаад анхны байрандаа оччихсон юм шиг санагдаад байгаа хаха. Дараагийн бичлэгтээ аялалынхаа талаар бичнээ.

Ээжийгээ санаж байнаа T^T

Гадаад хэл

Би бараг 3-р ангиасаа хойш гадаад хэл сурч эхэлсэн байхаа.  Англи , солонгос , герман,  япон хэл заалгуулж байсан. Одоо энэ тэгээд үргэлжлүүлээл сураад л  байна. Эдгээр улсуудад  очоод үзчих юмсан гэж боддог байсан ашгүй одоо энд хүрээд ирсэн л байна :)

Англи хэл 10н жилээсээ эхлээл их сургууль сургалтын төв  нтр гээд зөндөө л газар сурсан даа. Дараагийн семестрээс бас энд дахиж суръя гэж бодож байгаа. Англи хэл сурахад дуу , кино , ном , интернет гээд бүх юм тусалсан.  Одоо ч гэсэн энэ хэлнийхээ ачаар энд сурч байна.

Солонгос хэлийг харин чин үнэнч фенийн сэтгэлээр сурсан даа хаха. Солонгос драма их үзээд нэг жүжигчинд дуртай болов оо. Тэгээд тэр маань юу гэж ярьж байгааг нь мэдмээр санагддаг хэзээ нэг өдөр уулзвал ярина гэж боддог байсан юм. Улаанбаатар их сургууль дээр Сэжүн хагдан сургалтын төвд 6 он сар яваад анхан шатны түвшинг нь дуусгаад сертификат авсан. Бас TOPIK-н шалгалт өгч 2р шатанд нь тэнцсэн. 2ч удаа солонгосоос ирсэн оюутнуудтай хамт хөтөлбөрт оролцож байсан. Тэр нэг нь болохоор өөрөө хамт сураад хотоор баахан явсан харин нөгөөх нь Дарь-Эхэд сайн дурын ажил хийж хүүхдүүдэд хичээл зааж өгсөн. Одоо ч гэсэн
киногоо үргэлжлүүлэн үзсээр л байгаа . Очоод үзэх л дутуу байна.

Манай сургууль герман хэлний хамтарсан сургууль байсан юм. Тэр үедээ гайгүй сайн сурдаг хүүхэд байлаа. Даанч өөр сургууль руу шилжээд сөхөж харахгүй удаад хоолтой холиод идсэн бололтой энд анх ирэхэд бараг хэл мэддэггүй хүн шиг байсан .Гэхдээ сонсохоор ойлгоод ч байгаа юм шиг санагддаг байсан. Одоо анх ирсэнээ бодоход гайгүй сайжирсан юм шиг санагдаад байгаа. Гэхдээ л бас болоогүй  байнаа. Энд би бараг германаар ярихгүй англиар л яриад байдаг юм. Хичээл ч англиар найзуудтайгаа ч англиар ажилд орвол германаараа ярих байх.

Япон болохоор аниме үзэж манга уншдаг болохоороо их сургуульдаа 1 семестер үзсэн. Одоо бол хамгийн наад захын 10 өгүүлбэр л хэлж чадах байхоо . Япон бол миний очиж үзэхийг үнэхээр их хүсдэг орнуудын нэг. Болдог бол нэг хоёр жил амьдарч үзэх юмсан гэж боддог.

Одоо хамгийн гол герман хэлээ яаж идэвхтэй сурах вээ? Герман кинонууд нээх сонирхол татахгүй дуунууд нь бас онц санагдахгүй байгаа. Фен нь болчихмоор жүжигчин байна уу? Тэр үгүүдийг нь article олон тоотой нь яаж цээжлэх вэ? Зөвөлгөө өгөөч (^__^)

P.S Би тэгэхээр таван өөр хүн байх нь ээ :P

Цаг хугацаагаар шилждэг охин

Миний хамгийн дуртай нэг ангит аниме.

1 дэхд алдаа гаргаснаа өнөөдөр олж мэдэв. Маргааш тэр алдаагаа засахаар явна. Маргааш энэ асуудал маань шийдэгдчихээсэй билээ. Тэр хүн надад дахиж нэг боломж олгоод шинээр гаргаад өгчөөсэй . Алдааг нь эрт олж мэдсэн нь сайн хэрэг гэсэн. Дараа нь улам том асуудал болох байсан гэсэн . Гэхдээ л өөрийнхөө хариуцлагагүйг бодохоор гомдоод байх юм. Ганц удаа очоод болчих юман дээр T^T .

Цаг хугацаагаар шилждэг байсан бол хохо. Энэ миний дуртай хэсгүүдийн нэг. Үзээд маргааш бүх юм сайхан болно гэж найдахаас ...

Хагас жил

Одоо 6р сар дундаа ороод удахгүй 7р сар гарах гэж байгаа гэхээр цаг хугацаа үнэхээр хурдан өнгөрч байнаа. Саяхан л 4н сар болоод байрандаа нүүж орж байсансан. Би жил болгон тухайн жилдээ хийх зүйлсээ жагсаалт болгоод бичдэг юм. Яг хийж дуусгасан зүйл гэвэл 1хан л байна "Сайн дурын ажилд оролцох". Заримыг нь хийсээр заримыг нь эхлээ ч гүй байна. Хурдхан хийж эхлэхгүй бол амжихгүй нь хэхэ.

Өнгөрсөн 5н сард болсон зүйлээ бичнэ гэж 5н сарын сүүлээр бодсоор байгаад л өнөөдөр бичиж байна.

Хамгийн гоё сар 5р сар болсон. Яагаад гэхээр амралтын өдөр ихтэй  ^___^ . Миний хувьд урт амралт сайхан ч гэсэн ажлын өдрөөр амрах илүү гоё.

5-4 

Би нэг дэх өдөр болгон сунгалтаа сайжруулах үүднээс балетнд явдаг юм. Хичээл 21.15 гэж       тараад 21.34-т трам ирээд 21.44т төв талбай дээр ирээд би трамаа солиод 21.45ын гэр лүүгээ явдаг трамд гүйж суугаад гэртээ харьдаг юм. Энэ өдөр хичээлээ тарчаад бүр ундаа уумаар санагдаад болдоггүй хичээл тараад хамаг дэлгүүр хаачихсан яах вээ гэж бодоод байж байлаа. Тэгээд галт тэрэгний буудал доторх дэлгүүр 10т хаадгийг санаад тийшээ явахаар шийдээд 21.44т төв талбай дээр ирээд гал тэрэгний буудал орох автобус байхаар нь гялс суугаад хөдлөхийг нь хүлээсэн чинь бараг 3 минут тэндээ зогсдог байна шд хэхэ. Энгийн үед бол огтхон ч хамаа байхгүй л дээ гэтэл яг тэр үед ямар удаан санагдсан гэж санана. Ашгүй автобус ч хөдөлж би 53т буудал дээрээ буугаад 55т дэлгүүр дотроо орсон. Тэр үед амжсандаа баярлаад ялалт байгуулчихсан юм шиг л санагдаад байсан хаха. Дараа нь ээждээ утсаар хэлсэн чинь чи ямар аймар минутын нарийвчлалтай ярьдаг болчоо вэ гэсэн.

5-9,10 Movie night

Өмнө нь хийж байгаагүй 2зүйлээ хийж үзсэн. Нэг нь сургууль дээрээ хонох нөгөөх нь movie marathon.
Манай сургуулиас зохион байгуулсан movie marathon. Hobbit 1.2.3 +Lord of the Rings 1.2.3 (extended edition ) 20н цагийн кино хохо.Би 2 найзтайгаа үзэхээр болоод эхлээд дэлгүүр орж ундаа аваад дараа нь сургууль 12цагийн үед орж пицца идээд 1.30 үед найзтайгаа уулзаад киноруугаа орсон кино 14 цагаас эхлэнэ.

Манай сургуулийн 1 том лекцийн танхимдаа киногоо үзүүлдэг юм байна лээ. Хүмүүсүүд үнэхээр бэлтгэлтэй ирсэн байна лээ дэрээ , хөнжлөө сандалан дээр тавих олбог нтр гээд. Зарим бүр аялалд явах гэж байгаа юм шиг баахан юмтай зарим нь авдар пиво авчирчихсан байсан. Кино маань эхлээд үзэгчид нь ширээгээ зохиод пивоо онгойлгоод пүүн гэж дуу дуулдаад сайхан байсан. Анги болгоны эхэнд хүмүүсээс ерөнхий үйл явдлыг тоймлож ярьсан бичлэг бас богино хэмжээний хүүхэлдэйн кино үзүүлж байсан. Тэгээд нэг анги дуусгаад ойролцоогоор 15 орчим минут завсарлаж байсан. Үзэгчид нь үнэхээр эмоцтой гоё гоё хэсгүүд дээр бүгдээрээ алга ташаал надад үнэхээр их таалагдсан.

Эхний ангийг дуусгаад гараад ирхэд гэгээтэй байсан. 2дохь ангийг дуусгаад гарч ирэхэд харанхуй болж эхэлж байсан эхний найз маань гэртээ харьсан. 3/4-р ангийг дуусгаад гарахад шөнө болсон байсан нөгөө найз маанв 4р анги дуусгаад явсан. 5р ангийг дуусгаад гараад ирсэн чинь өглөө болчихсон байсан. Нүд маань бүр наранд гялбаад хэхэ. Сүүлийн ангийг дуусгаад цагаа хартал 11н цаг болж байсан. Би энэ хугацаанд ерөөсөө ч унтаагүй бөгөөд ямар кофе уугаагүй. 1 литр жүржийн шүүс л уусан. Хүмүүс 5р ангиас эхлээд унтацгааж эхэлсэн хэхэ.
Киногоо дуусгаад гэртээ харих замд чихэнд нөгөө дуу нь сонсогдоод байсан. Надад ёстой гоё санагдсан . Дараа дахиад ийм юм зохион байгуулвал дахиж үзнэ гэж бодож байгаа. Тэр үед харин дуустал нь үзэж чадах найзтайгаа явнаа . Ганцаараа дуусгах жоохон тийм байсан.

5-14 Musical night

Өнөөдөр амралтын өдөр. Уул нь бол ажлын Пүрэв гариг. Гэхдээ нэг баяр тохиогоод амарч байгаа. Манай сургууль хотын театртай гэрээ байгуулаад оюутнууд үнэгүй үзэх эрхтэй. Би тэгээд бас анх удаа HAIR гээд musical үзсэн. Хоорондоо германаар яриад англиар дуулаад л би 70 орчим хувьтай үйл явдлаас харж байгаад ойлгосон.Үйл явдал нь Америкд Вьетнамын дайнд явахаар болсон залуу хиппи нар гээд . Хамгийн сүүлд нь тэр залуу нь дайндаа яваад үхчихдэг.  Ер нь дажгүй санагдсан. Дахиад өөр юм үзнээ.

5-16 Hiking day

Найзынхаа эгчийн найзуудтай Schwalbach гэдэг газар очоод алхаад ирсэн. Замаараа дүүрэн шар цэцэгтэй талын хажуугаар явсан. Тэр цэцэгээр нь тос хийдэг гэсэн байхаа. Миний мөрөөдөл бол наран цэцгийн талбай очиж үзэх. Шинээр Монголчуудтай танилцаад гоё өдөр байсан.

5-17 Museum day

Олон улсын музейн өдөр тохиож найзтайгаа хамт 2 музей үзсэн.

Эхнийнх нь Museum Giersch. Энэ өдөр үнэгүй байсан Rhein Main мөрний эрэг хавиар романтизмийн үеийн эхлэл болсон зургуудыг үзүүлсэн байсан. Надад хамгийн их таалагдсан зураг бол Ludwig Emil Grimm-н "Lotte in ihrer Stube"* нэртэй доорх зураг.

Энэ зурган дээр цонхны цаана охины толгой дээр байгаа солонго нь сайн харагдахгүй байгаа ч гэсэн эх зураг дээрээ үнэхээр гоё харагдаж байсан. Энэ зураач бас энэ зурган дээрх охин нь үлгэр цуглуулагч ах дүү Гриммийн дүү нар юм.

Дараа нь Museum fuer Kommunikation. Орохдоо 3н euro төлсөн. Ийшээ ирсэн гол зорилго нь "Imitation game" кинон дээр гардаг Enigma машинийг үзэхээр очсон юм. Mузей нь 4н давхар ? (1.2.3 -1) . Хамгийн дээд давхрын үзэсгэлэн нь солигддог юм шиг байсан. Намайг очиход "Дэлхийг 80 хоногт тойрсон нь" гэсэн сэдэвтэй байсан. Шатаар дээшээ гарангуут ажилтан нь хэрхэн үзэх талаар тайлбарлаж өгсөн. Лондон хотоос эхлээд нийт 8н хотоор очоод Нью-Ёорк хотод дуусна. Хот болгон дээр нь сонирхолтой үзвэрүүд тавьсан байна лаа. Хамгийн их таалагдсан нь хот болгон дээр очоод тамга дардаг нь.

(Зургийн чанар муу байгаад уучлаарай)

Явсан дараалал нь

 London- Paris- Suez-Bombay-Hong Kong- Yokohama- San Francisco - New York.

Жулес Верний "Дэлхийг 80 хоногт тойрсон нь " номон дээр нь бас эдгээр хотуудаар аялдаг уу?

Би уншиж үзээгүй болохоор сайн мэдэхгүй байна.

2 давхарт нь "Дайны үеийн сүлжээ" гэсэн сэдэвтэй үзэсгэлэн 1 танхимд нь гарсан. Нөгөө талд нь хүүхдүүдэд зориулсан шууданч хэрхэн ажилладаг талаарх урлан байсан.

1 давхарт нь  хоолны газар, бэлэг дурсгалын дэлгүүр , хүлээн авах нь байрладаг

-1 давхарт нь гол музейн үзвэрүүд байрласан. 6 хэсгээс бүрдсэн.

1. Бичиг үсэг 
2. Захиа
3. Утас
4. Радио
5. Телевиз
6. Интернет

Миний зорьж очсон Enigma машин маань харин санаснаас жижигхэн машин байна лээ. Музей үнэхээр их таалагдсан. Та бүхэн ч гэсэн дараа нь Frankfurt am Main орох юм бол энэ музейг үзээрэй гэж зөвлөж байна.

5-28 Cooking day

Манай хотод Darmstadtkocht гээд өдөрлөг болдог юм.  Энэ өдөрлөг нь 3дах удаагаа зохион байгуулж байгаа гэсэн. Би 2 удаад нь оролцож байгаа юм. Өмнө нь 11н сард оролцсон. Салат , үндсэн хоол, дессерт зэргээс аль нэгийг хийгээд 3ланг нь иднэ ^___^

Явагдах зарчим нь эхлээд бүртгүүлнэ. Бүртгүүлэхдээ би гэртээ хоол хийж чадна/чадахгүй , ийм ийм зүйлээс харшилтэй гэх зэргээр дэлгэрэнгүй бичиж явуулна. Дараагаар нь надруу миний хамтрагчийн тухай , манайд ирэх зочидын харшилийн мэдээлэлийг явуулна. Тэгээд хамтрагчтайгаа холбоо бариад хоолоо хийнэ. Нэг айлд 4н зочин ирэх ба нэг дор 6н хүн байх юм. Хоол болгон дээр 4 хүнтэй шинээр танилцана . Ингээд хамтрагч 1 + салат 4 + үндсэн хоол 4 + дессерт 4 гээд нийт 13 хүнтэй шинээр танилцаж байгаа юм.

Манай хамтрагч бид 2 дессерт  хийхээр болж тэднийд 27ндоо терамису хийсэн. Дараа нь найзуудтай нь пивоны амтлагаа хийсэн . Хамтрагч охин Нидерландаас 4н хар пиво найз нь Лондонгоос 2 хар пиво авчраад 5лаа хувааж уусан. Хүн бүр бага хэмжээгээр бүх пивоноос уусан хэхэ. Сонирхолтой л санагдсан.

28нд бид 2 уулзаад эхлээд салатаа идэхээр явав. Манго , анар ,  хулууны үр , самар бас бяслагтай ногооны салат. Хийхэд ч амархан санагдсан. Дараа нь хийж иднээ л гэчихсэн байгаа. Үндсэн хоолонд  wraps (ороомог ? ). Энэ их аятайхан санаа байсан. Цагаан хоолтон болон махан хоолтон хүмүүс хамтдаа бие биендээ садаа болохгүйгээр хоолоо иднэ. Тэгэхгүй бол цагаан хоолтой хүн ирнэ гээд маханд дуртай хүмүүс нь хохирдог надаас авхуулаад хаха.

Сүүлд нь бидний бэлтгэсэн тирамисуг идсэн. Дараа нь 1 газар бүгдээрээ дахиж цуглаараад party хийснээр энэ өдөрлөг өндөрлөж байгаа юм.

Энэ удаагийнх өмнөхөөсөө өөр болсон. Өмнөх дээр нь би үндсэн хоол сонгож хийсэн. Хийсэн гэхээсээ илүү тусалсан гэвэл онох байх. Энэ удаад би  хийсэн. Өмнө нь дандаа англиар ярьсан бол сая германаар. Ямартай энэ өдөрлөг надад маш их таалагддаг болохоор дараагийн удаад ч гэсэн оролцоноо.

5н сард ямар ч их юм болсон юм ямар ч урт бичлэг болчихвоо. Цаг зав гарган уншсанд баярлалаа. *^^*

* source - http://www.presche-chr.de/christian/GrimmPlatzFuehrungPr.html

Байр ... !!!

Германд байр олно гэдэг өвсөн дундаас зүү олохтой адил юм байна лээ дээ.Гэхдээ надаа олдсон л доо хэхэ. Би бол гэртээ сууж байгаад энэ талаар юу ч мэдэхгүй байж байлаа шүү дээ. Тиймээс бусад хүмүүст анхааруулах бас өөрийнхөө амьдарч байсан өрөөнүүдээ сонирхуулъя.

Би чинь "Өө чи гадаад оюутан байна. Энэ байранд ор" нтр гээд тун сайхан юм бодож байтал үгүй юм байна лээ. Сургуульд тэнцснийхээ дараа сургуулийн дотуур байрандаа хүсэлт явуулсан. Та нар минь бараг сургуулиа сонгоод бараг материалаа өгөхөөсөө өмнө хүсэлт явуулаарай  гэж зөвлөе. Дотуур байр нь хамгийн боломжийн үнэтэй.

Өөр wg-gesucht.de сайтаас байр хайж болно. Энэ сайтнаас байр хайхдаа өөрийнхөө талаар юу хийдэг , юунд дуртай,  хобби гэх мэт уртаас урт захидал бичээд хүлээнэ дээ. Тэгээд нөгөө захиа авсан хүмүүсийн зарим нь хариу бичээд ярилцлаганд урина. Тэр өдөр нь өрөөгөө очиж үзээд тэгээд яриал байна шүү дээ. Зарим нь болохоор хариу ч бичдэггүй. Англиар захиагаа бичвэл хариу ирэх нь бас бага. Би тав зургаан газар очиж үзэж ярилцсан боловч дандаа татгалзсан хариу авсан. Миний юу нь болохгүй байсан юм байгаан бүү мэд T^T. Хэрэв найзтайгаа ч юмуу хамт ирвэл хамтдаа байр хөлсвөл дээр ч юм шиг хэхэ.

За би анх ирээд Берлинд ээжийнхээ найзынд 1 хоносон. Маргааш нь хот руугаа яваад 3 өдөр
зочид буудалд байрласан . Миний байсан хамгийн үнэтэй газар байхаа. 2 ортой өрөө нь.

Дараа нь өмнөхтэйгөө харьцуулахад арай хямд буудал /hostel/-д байрласан. Бас л 2 ортой өрөөнд ганцаараа.

Тэгээд найзынхаа оронд өрөөнд нь 2 долоо хоног түр амьдарсан.  Хамгийн хямд нь :P 

Дараа нь ашгүй дотуур байрнаас өрөө олдож тэндээ 5н сар амьдарсан. Нүүсэн шалтгаан нь арай л үнэтэй. Бүх юманд 2 тал байдаг даа. Энэ байрны бүх юм нь таалагдаж байсан.Бараг бүх автобус трамбай явдаг. 2 жилийн өмнө баригдсан,  цэвэрхэн, 1хан хөрштэй тэр маань амралтаараа гэр лүүгээ харьчихдаг гээд сайхан л байсан. Гэхдээ үнэтэй болохоор гэрээсээ дандаа мөнгө нэмж авдаг, сарын сүүлд ёстой модоо барьж бүсээ чангалдаг байсан. Тиймээ л нүүх  шийдвэр гаргасан даа. Энэ байна өрөө минь <3

Одоо амьдарч байгаа өрөө маань бас л сургуулийн дотуур байр. Сайн тал нь хямд ,1 өрөөндөө ганцаараа. Өрөө маань том :) Саар тал олуулаа гал тогоо , ариун цэврийн өрөөгөө хувааж хэрэглэнэ. Хуучин удахгүй 9н сард нураана. Тэр үед дахиад л нүүнэ дээ T^T. Бүх юм нь шинэ байрнаас нүүж ирээд хэсэг онцгүй санагдаж байсан ч гэсэн одоо дасаж байгаа хэхэ.

Тэгээд 2 сайхан том шкаф бий хэхэ. Тэгээд сайхан амьдраад л байгаа. 9н сард хаашаагаа нүүх юм болдоо . Сургуулийн дотуур байр нь тавилгатай амар. За байрны эрэлд нь амжилт хүсий *^^*

Таалагдаж /Taaлагдахгүй байгаа

Таалагдаж байгаа

• Үнэхээр гоё ногоон . 10 н сард ирж байхад л нов ногоон . Ногоон байгууламж ихтэй зөндөө гоё модтой. Одоо хавар болоод янз янзын гоё цэцэгнүүд зөндөө ургаж байгаа. Нээх гоё өнгө нэмээл 
• Байшин нь нээх өндөр биш. Би чинь айр өндөр өндөр байшин төсөөлсөн байсан чинь 5-6 н давхар л байшингууд ихэнхдээ байдаг юм байна лээ. Гэхдээ Frankfurt am Main-д зөндөө өндөр өндөр байшингууд харах боломжтой
• Хүнсний бүтээгдэхүүн нь амттай , ялангуяа жимс нь тун хямдхан.
• Пиво мэдээж :P
• Зам тээвэр нь супер. Автобус трамбай гал тэрэг бүх юм нь цагийн хуваариараа явна.
• Сургууль бол үнэн сургахын төлөө байгуулагдсан газар байна лээ
• Номын сан. Манай номын сан шинэ ашиглалтанд ороод жил орчим болж байгаа юм байна лээ. Хагас бүтэнсайнгүй шалгалтын үеэр 24 цаг ажилладаг
• Багш нар маань асар их мэдлэгтэй. Энд тэнд судалгаа хийж явсан нтрийг нь хархад.Даанч ёстой оюутнуудтайгаа тулж ажиллна гэж байхгүй . Лекцээ орлоо баяртай хаха. 
• Хүмүүс нь эелдэг. Энд тэнд төөрөөд юм асууваас нээх хөөрхөн заагаад өгчихдөг юм.
• Хогоо ялгаж салгадаг. Эхэндээ төвөгтэй байсан ч сүүлдээ дассан
• Semesterticket !!!

Таалагдахгүй байгаа

• Цаг агаар. Бас арай л их бороотой бүрхэг өдөр ихтэй. Би уул нь бүрхэг өдөрт дуртай юм байгаамшд. Өвөл бол бас арай л байсан 10 хоногт 1 нар гарч нтр. Өвөл үнэхээр таалагдаагүй. Зун ямар байх юм байгаан.
• Pfand Уусан ус ундааныхаа савны мөнгийг давхар төлдөг. Тэрийгээ дараа нь дахин ашиглаж болох ч гэсэн ядаргаатай байдаг. Зарим нь байхгүй . Бас cola Монголтой харьцуулахад үнэн үнэтэй санагдсан. Тэгээд бараг гарсан хаха. Эрүүл мэндэд ч тустай биз :P
• Ажлын цагийн хуваарь нь их сонин. Очих газрынхаа хуваарыг сайн харж байж очихгүй бол хоосон хаалга мөргөх магадлал өндөр. Жишээ нь манай эндхийн бүртгэлийн газар 7.30-12.30 хүртэл ажилладаг.
• Банк нь үнэхээр удаан. Монголд чинь шилжүүлэг нтр чинь нээх уддагүй биз дээ? Энд бол ажлын 1 өдөр .
• Захиа . Анх захиа ирээл нээх гоё санагдаж байсан бол одоо больсон. Бөөн бөөн шал хэрэггүй захианууд. Mail бичихэд болох юмыг хайран цаас үрээд хэхэ.
• Pretzel яаж тийм давстай юм байнга идээд байдаг байнаа хохо
• Нэг бичлэг youtube дээр үзий гэхээр л өөдөөс GEMA гэж гарч ирээд байдаг нь үнэн муухай. Манай нэг найз тэрийг болиулдаг програм татаад суулгачихвал дараа нь торгууль ирдэг гэсэн аймшигтай хаха. Би элдэв янзын юм татаж суулгах дургүй болохоор заримдаа youku-гаас үзчихдэг хаха.

Таалагдахгүй байгаа юмнууд нь явандаа дасаад гайгүй болох биз гэж найдъя :)

6 сар

Гэрээ орхиж гараад 6н сар болжээ.

10н сар: Шинэ орчин шинэ хүмүүс бүх юм шинэ санагдсан. Хичээлдээ суугаал ийш тийшээ                      яваал ;) . 16нд анхны Монгол найзтайгаа автобусан дотор санаандгүй танилцсан.

11н сар: Гэрээ хамгийн их санасан T^T . Шинэ байранд орсон

12 сар :  Өвлийн амралт , Weinachtsmarket , Бүрхэг уйтгартай бороотой өвөл

1 сар  :  Амралтаараа гэртээ өдөржингөө байсан. Өвөл ч ёстой онцгүй байсан даа. Өвлийн                      амралт дуусаад хичээл орсон. Хичээл дундуур амрах нь ёстой таалагдаагүй ээ . 1сараас              өмнөх үзсэн юмаа амралтаараа бүгдийг нь мартчихсан LOL !!!

2 сар : Хичээл хаагдаж шалгалт эхэлээд бөөн стресс. Гэрээ бас их санасан. Шалгалт болохоор л            гэрээ санах юм.

3 сар : Шалгалтуудаа өгч дууссан. Байраа сольсон.

За ирэх 6н сард амжиллтай сурж , ажилд орж , эрүүл энх элдэв асуудалгүй байхын өлзийтэй ерөөлийг өөртөө өргөн дэвшүүлье ээ *^^*

Бичиг баримтаа бүрдүүлж өгсөн нь

За тэгээд сургуульдаа бичиг баримтаа явуулсныхаа дараа элчинд ярилцагын цаг авсан. Энэ хаягаар ороод цагаа аваарай. Дор хаяж 4-н 7 хоногийн өмнө визээ мэдүүлээрэй.
Эндээс ямар ямар бичиг баримт бүрдүүлэхээ харж болно. Би анх 7н сард зөвхөн анкет , APS -н гэрчилгээ хоёроо л өгсөн. Анкет бөглөхдөө хаяг заавал өгөх хэрэгтэй юм байна лээ шүү. Ямар хаяг өгөхөө мэдэхгүй байгаа бол сургуулийнхаа дотуур байрны хаягийг өгч болох байх гэж бодож байна. Би тэрийг нь мэдэхгүй бага зэрэг эрүүний шөл уусан хэхэ. Визийн хураамж 60 euro-г төгрөгөөр тооцоолж төлсөн. Германы элчин сайдын яамны веб сайтанд мэдээлэл нь дэлгэрэнгүй байгаа. Веб сайтаар нь сайн судлаарай.

Тэнцэхгүй ч юм билүү гээд хаширлаад бусад юмыг нь хөөцөлдөлгүй орхичихсон. Та нар харин битгий тэгээрэй . Цаг алдаад юу хийх вэ.

9н сард хариугаа аваад хамаг юмаа гүйцээж өгсөн дөө.Бичиг баримтаа бага багаар аваачиж өгөөд байж болдог юм байна лээ. Эрүүл мэндийн даатгал хийлгүүлээд Deutsche Bank-нд данс нээлгэсэн. Дансаа нээлгэхдээ интернетээс хаягаа татаж аваад компьютерээр бөглөөд элчин дээр очиж гарын үсгээ баталгаажуулаад тэгээд шуудангаар явуулчихна. Веб сайтнаас нь дэлгэрэнгүйгээр нь сайн уншаарай. 7-14 орчим хоног болдог гэсэн. Минийх 7 орчим хоногын дараа мейл ирсэн. Тэгээд тэр дансандаа 8040 euro-гоо шилжүүлэх ёстойн байна лээ. Би тэрийг нь мэдэхгүй 3 хоногийн дараа олж мэдээд Худалдаа хөгжлийн банкаар шилжүүлсэн. 3хоногт л орчихдог юм байна лээ. Тэгээд таны дансанд мөнгө орлоо гэсэн мейлээ хэвлэж аваад элчинд аваачиж өгсөн. Маргааш нь утасдаад виз нь гарсан маргааш ирж ав гэж хэлсэн . Бөөн баяр.

Зарим нэг юмаа сайн мэдэхгүйгээс болоод хугацаа алдсан даа үнэхээр их шаналсан. 10сарын 13нд бүртгүүлэх сүүлийн хугацаа байсан болохоор тэр хугацаандаа багтахгүй бол яанаа гээл хэхэ. Визээ гараад 3 хоногийн дараа явчихсан. Хэтэрхий хурдан явчихсан юм шиг санагддаг. Гэхдээ хичээл маань юу юугүй эхлэх гээд байсан болохоор тэгээл яараад явчихсан.

Нэмж хэлэхэд бараг эхлээд сургуулийнхаа байранд бүртгүүлэх хэрэгтэй шүү. Энд байр олно гэдэг үнэн асуудалтай. Дараа нь би өөрийнхөө байрны талаар бичлэг бичнээ.

За тэгээд бүгдээрээ Германд сурцгаая !!! Манай Hessen мужид манай Darmstadt хотод манай TU Darmstadt сургуульд сураарай. Надтай ирж уулзаарай :P  *^^*.

TU Darmstadt бичиг баримтаа явуулсан нь

Би ганцхан TU Darmstadt -д элсэх өргөдлөө өгөөд тэгээд тэнцчихсэн. Үнэхээр азтай :)

Яагаад TU Darmstadt сонгосон бэ гэвэл найзаасаа хариу нь хурдан ирдэг гэж сонсоод веб хаягаар нь ороод үзтэл англи хэл дээрх анги байсан болохоор нь тэгээл л сонгочихсон.Бас элсэлтэнд нь зориулж элдэв янзын захиа нэхээгүй байсан. Анх жижигхэн хотын жижигхэн сургууль л гэж бодож байсан чинь ирээд ямар том болохыг нь мэдсэн. Хүмүүс ч гэсэн манай сургуулийг сайн гээд , зааж байгаа багш нарыгаа ч ямар мундаг болохыг нь ойлгосон.

IELTS - аа өгчөөд сургуулиуд руу танайд англи хэл дээр мастерын хөтөлбөр байгаа юу гээд баахан захиа бичээд явуулчихсан.Тэгээд доорх сургуульд их таалагдсан боловч би өргөдлөө явуулаагүй.

RWTH Aachen - Уул нь манай найз бас сурдаг болохоор хамт суръя гэсэн боловч өргөдөл хүлээж авах хугацаа нь дуусчихсан байсан. Дараагийн элсэлт нь 12 билүү 2сард байсан. Тэгээд л больсон.

University of Münster - Хугацаа нь 6н сарын 1нд дуусчихсан байсан. Би хариугаа ч сонсоогүй 
байсан үе.

Heilbronn Hochschule - Uni-assistant гээд вебээр дамжиж бүртгүүлдэг сургууль байсан. Тэр байгуулга руу нь материалаа илгээсний дараа над руу буцааж явуулаад би гарын үсгээ зураад сургууль руугаа дахиад явуулах байсан юм. 7сарын 1нээс наашаа цаашаа явсаар байтал амжихгүй гэж бодоод больсон. 

University of Stuttgart - Энэ бол цэвэр миний залхуу байдлаас болоод материалаа өгөөгүй сургууль. Бүрдүүлэх материалд нь reference letter буюу тодорхойлох захидал шаардсан байсан юм. Би 7н сард сургууль дээр ямар багш байв гэж бодоод бас тэгээд багш нартайгаа уулзаад тодорхойлох захидал нтр гэхээс төвөгтэй санагдаад тэгээд явуулаагүй.

За одоо TU Darmstadt-д хэрхэн бүртгүүлснээ бичье.

Эхлээд онлайнаар бүртгүүлсэн. Тэгээд доорх материалууд дараа нь шуудангаар явуулсан

1. Ерөнхий боловсролын гэрчилгээний эх хэлээрээ
2. Ерөнхий боловсролын гэрчилгээний орчуулга.
3. Бакалаврын диплом эх хэлээрээ
4. Бакалаврын диплом орчуулга
5. Баклаврын диплом дүнгийн хуулбар эх хэлээрээ
6. Баклаврын диплом дүнгийн хуулбар орчуулга
7. Онлайнаар бөглөсөн хүсэлт / PDF-ээр татаж аваад хэвлэх/
8. CV/англи хэл дээр/
9. APS сертификат
10. Англи хэлний шалгалтын сертификат 

Би ерөнхий боловсролын гэрчилгээгээ л англи хэлээр орчуулуулсан. Бусдыг нь сайхан 

хувилаал болоо. Тэгээд бүгдийг нь нотиаратаар баталгаажуулаад гадаад явдлын яаман дээр 

аваачиж өгнө. Тэнд энэ баталгаажуулсан баримт нь үнэн болно гэсэн тамга дарж өгдөг. 1 хуудас 

500 төгрөг байлуудаа. Тэр мөнгөө хажууханд нь байдаг Хаан банкинд төлөөд тэгээд төлбөр 

төлсөн баримтаа өгөөд тэр хүн нь хэзээ ирж авахыг нь хэлнэ.Тэгээд л бүх матириалаа дахин 

шалгаад дугтуйнд хийгээд хаягаар нь илгээсэн. 

Oнлайн хаягаараа орохоор хүсэлт чинь ямар  шатан дээрээ байгааг харж болдог болохоор урамтай

хэхэ. Тэгээд хэд хоногийн дараа материалыг чинь хүлээж авлаа гэсэн mail ирсэн.