Saturday, October 30, 2021

Шүршүүр дэхь бодлууд

 Миний жилдээ 1 удаа бичлэг нэмдэг блогийн уншигч  танд энэ өдрийн мэнд хүргэе. 2020 оны тайлан 2021оны нэгэн сайхан өдөр орох байх. Гэхдээ 2020 онд дурсаад байх онц юм болоогүй дээ.

Энэ бичлэгийг бичих болсон шалтгаан нь саяхан үзэж байсан богино бичлэгт биенээс доош хэсгээ савандаггүй бас өмнө нь үзэж байсан бичлэгт усанд орохдоо ямар дараалалаар ордог  зэргээс шалтгаалаад хүмүүс хэрхэн усанд ордог бол гэдэг талаар өөрөө шүршүүрт орж байхдаа бодсон бодлоо энд буулгаж байна. 

1. Хэзээ усанд ордог вэ? Өглөө, орой эсвэл хамаагүй.

2. Шүршүүрт ордог уу эсвэл ваннд ордог уу?

3. Хэр давтамжтай усанд ордог вэ?

4. Ямар дараалалаар угаадаг вэ? / Шүд, үс, нүүр, бие /

Ер нь бол өглөө усанд орох дуртай ч гэсэн өвөл бол ихэвчлэн орой ордог. Өвөл өглөө ороод гарахаар даараад байдаг юм. Даанч орой орохоор ихэвчлэн нойтон үстэй унтаад байдаг юм. Уул нь үсээ хатаагаад унтая гэж боддог ч гэсэн яг унтахаасаа өмнө л орчихдог. Өглөө орвол нойрноосоо сэргээд, өглөөний цайг уух хооронд үс хатчихдаг болохоор амар байдаг ч өвөл даараад байдаг хаха

Шүршүүрт ордог. Одоо амьдарч байгаа газар ванн байхгүй. Тэгээд ч ваннд ороход их цаг шаарддаг. Гэхдээ 7 хоногтоо нэг удаа ч юм уу ваннд орвол бас гоё л байх. 

Тухайн өдөр нөхцөл байдлаасаа хамаараад өөр өөр. Зун бол өдөрт 2 удаа орсон ч заримдаа багадахаар байдаг. Харин үсээ 2 хоногт нэг удаа угаадаг. Энгийн  үед бол өдөр бүр ордог. 

Одоо орой усанд орж байгаа болохоор эхлээд шүдээ угаагаад дараа нь үсээ угаагаад биеэ дээрээс нь доош нь бүтэн савандаж угаагаад хамгийн сүүлд нь нүүрээ угаадаг. Өглөө орвол шүдээ хамгийн сүүлд нь угаадаг.

Хүмүүсийн өглөө шүдээ угаах дараалал нь бас янз бүр. Би бол өглөөний цайгаа уусний дараа угаадаг бол зарим хүмүүс босоод шууд угаадаг юм байна лээ. Бүр 2 удаа өглөөний цайны өмнө бас дараа нь угаадаг хүмүүс байдаг гэсэн.

Та нарын хувьд ямар байдгаа бичээрэй Ü


    

Tuesday, January 26, 2021

2019: A Year in a Review

 21 онд 19 оны тухайгаа бичиж байгаадаа жоохон ичмээр л юм даа тээ. Гэхдээ бодоод байхад 2019 он үнэхээр сайхан он байжээ. 2019 оноо Оросд гаргасан болохоор ч тэрүү энэ жилд их ийшээ тийшээ явсан байна. 2020 онд харин их идсэний дараа өнж гэдэг шиг хаашаа ч яваагүй ☺


За тэгээд энд дурсагдах бүх үйл явдал Instagram story, Facebook -ээсээ харж байгаад бичиж байна.

Заа ингээд 2019 оны дурсамжаасаа бас сонсох дуртай нэг дуутайгаа хамт хуваалцая Ü



********** 1-р сар **********

Шинэ оноо дүү нартайгаа Санкт-Петербург хотын төв талбайд гаргаад тэгээд хэд хоногоос буцаад ирсэн. Харамсалтай нь Эрмитаж үзэж чадаагүй, яг төлөвлөсөн өдрөө очсон чинь үнэгүй үздэг өдөр нь байсан юмуу гадаа нь баахан дараалал. Бараг 2 цаг гадаа нь хүлээж байгаад тэсэлгүй гэртээ харьсан. Дараа нь дулаахан байхад очвол Петерхоф, Эрмитаж үзнэ дээ. Оросд очиж үзсэн газраас хамгийн гоё газар нь Фабрижийн музейТуулайн арал байсан. Гэртээ ирээд л буцаад л хэвийн амьдралдаа орсон доо. Энэ үеэс эхлээд подкаст сонсож эхэлсэн байна. Жил болгоны 1р сар хүйтэн байдаг шиг энэ жил ч гэсэн хүйтэн байна гэсэн постнууд зөндөө хийсэн байна.

********** 2-р сар **********

Сарын эхний өдрийг найзтайгаа рамен, ногоон цайтай зайрмаг идэж эхлүүлжээ. MNfansubs-c Mirai of the future үзжээ. Энэ кинон дээр гардаг байшин их сонирхолтой гоё байшин, энэ кинонд зориулж архитектор загварыг нь гаргасан гэсэн. Анх удаа Super Bowl үзсэн. Зун тоглолтыг нь үзэх Maroon 5 дуулна гэсэн болохоор үзсэн чинь fail fail T°T. Тэгээд сарын сүүлээр цэцэгийн үзэсгэлэн үзжээ.

********** 3-р сар **********

Байрныхаа хүүхдүүдтэй хамт Карневал бас WG-төрсөн өдөр тэмдэглэжээ. Сарын онцлох үйл явдал бол HYUKOH тоглолт үзсэн. Жижигхэн газар богинохон байсан ч гэсэн ихэнх дууг нь мэддэг амьд хөгжмийн хамтлаг болохоор уур амьсгал нь гоё байсан. Дахиад боломж гарвал үзнээ. Сарын сүүлээр Hamburg яваад найзууд дээрээ хэд хоночоод ирсэн. Энд дандаа найзуудтайгаа байдаг байсан болоод ч тэр үү дандаа гоё дурсамжтай байдаг юм.

********** 4-р сар **********

4н сард гадаа дулаараад цэцэг навч ургаад сайхан. Энэ сарын 15нд Парисийн Нотр-Дамийн сүмиийн дээвэр нь галт өртөж нуран унасан харамсалтай хэрэг болжээ. Би энэ сард Eltville орсон байна. Дараа нь байрныхаа хүүхэдтэй хамт гэрлүү нь яваад дарсны баяр ? (winewanderung) оролцсон. Энэ нь дарсаа уугаад уулаар алхах юмуудаа монголоор оноосон нэр байдаг эсэхийг нь мэдэхгүй болохоор мэддэг хүмүүс нь хэлж өгвөл баярлана шүү. Тэгээд энэ баярт оролцохоор энд тэндээс зөндөө хүмүүс ирдэг юм байна лээ.Ерөнхийдөө дарсаа уугаад уулын энгэрээр алхаад дундаа тааралдсан өртөө болгон дээрээс шинээр дарс аваад юм идээд замаа дуусгана. Тэгээд сүүлд диско болоод үйл ажиллагаа өндөрлөнө. Дараагийн өдөр нь Bonn -д нэг өдрийг өнгөрүүлээд гэртээ харьсан. 2020 онд Беетховений мэндэлсний 250н жилийн ой тохиож байгаа болохоор энд тэндгүй засвар болж байна лээ. Уул нь нэг алдартай интоорын модтой цэцэгтэй гудамж байдаг юм. Жил болгон л очиж үзнэ гэж боддог байсан чинь энэ үеэр цэцэг нь уначихсан байсан. Сонирхож байвал Heerstraße | 53111 Bonn юмуу Breite Straße | 53111 Bonn гээд хайгаад үзээрэй.

********** 5-р сар **********

Малатанг гээл хятад хоол найзуудтайгаа их иддэг ер нь л хятад хоол гадуур гарахдаа иддэг болсон бид хэд. Гоё амттай хоолнууд зөндөө л байна лээ. Өмнө нь Монголд байхдаа иддэггүй ээж бас дургүйцдэг ихэвчлэн солонгос хоол иддэг байсан чинь энд идсэн гоё л байна лээ. Энд хятад найзтайгаа хамт иддэг болохоор яг өөртөө тохирсон амтаа олж идээд байгаа байж магадгүй хэхэх. Өөр ч нэг их сонин сайхан зүйл болоогүй бололтой.

********** 6-р сар **********

Удаан хүлээсэн тоглолтоо үзэхээр Köln явсан. Энд 2 өдөр болсон юм байна. Тоглолт маань харамсалтай нь сэтгэлд хүртэл гоё болоогүй. Adam Levine амьдаараа нээх гоё дуулдаггүй бас зогсож биш сууж үзсэн болоод ч тэр үү энд үрсэн мөнгөндөө одоо болтол харамсаж байгаа лол. Харин хот нь уул нь бол үзэж харах юм ихтэй ч гэсэн яагаад ч юм нэг бөөндөө шамбааралдсан зай багатай хот юм шиг санагдсан. Өөр тэгээл зуны халууныг гайхаал бороо ороосой гээл байж байсан байна даа.

********** 7-р сар **********

***- руу нисэх онгоцны тасалбар худалдан авсан. Юу болсон бэ гэхээр уул нь зун Монгол явья гэж бодож байсан юм. Хайрт ээж маань өмнө нь тасалбар авч өгнө гэж байснаа энэ жил дүү нарт чинь тасалбар авч байгаа чи ирүүл өөрөө тасалбараа аваад ирээ гэхээр нь заза Монголд нээх өөрчлөгдсөн юм байхгүй байлгүй гээл өөр тийшээ нисэх тасалбар авчихсан хаха. Гэхдээ ирж очих нь Улаанбаатар очихоос хямд байсан. Тэгээд өөр манай дүү над дээр хэд хоног байж байгаад буцсан юм байна. Яг гаргаж өгөх мөчид би ч гэсэн явах юмсаан гэсэн бодол төрсөөн T^T Одоо бараг 2022 онд гэртээ хариж чадах нуу яахнуу хилээ хэзээ ч нээх юм байгаан.

********** 8-р сар **********

Гэнэтхэн шийдээд найзуудтайгаа Швейцар луу 2 өдөрийн аялал хийгээд ирсэн. Түргэвчилсэн аялал болоод ч тэрүү нэг хотоор ороол гялс үзэх юмаа үзээл дараагийн хот руу нь очих жишээний. Байгаль нь бол үзэсгэлэнтэй юм байна лээ. Ялангуяа номин ногоон өнгөтэй нуурнууд зөндөө харсан. Гэхдээ дандаа байгалийн үзэсгэлэнг очиж харсан болохоор уул ус харахад 2 өдөр хангалттай санагдсан. Яг тэр газруудад амьдарвал надад лав уйтгартай санагдах юм байна лээ. Тэгээд би уулнаас илүү усанд дуртай юм байна гэдгээ бүр баталгаажуулж мэдэж авсан. Тэгээд л буцаад хэвийн амьдралдаа ✌

********** 9-р сар **********

Оросд сурдаг дүү маань сургуулиа солиод Унгарт сурахаар болсон. Тэгээд 2 дүүтэйгээ хамт Унгар явсан хаха. Эхлээд  Будапештд байж байгаад дараа Балатон гээд нуурын эрэг 2 өдрийг өнгөрүүлсэн. Бас төрсөн өдрөө тэмдэглэсэн. Нуурын эрэг дээр суугаад ус хараад байж байх сайхан байсан шүү.Тэгээд ажлаа солих гээд нэг газар Унгар явахаасаа өмнө анкетаа өгчихсөн байсан чинь эхний шатнд тэнцсэн ярилцлаганд ор гээд mail гэртээ буцаж ирэхэд ирээд тэгээд ярилцлагаа өгөөд 10н сарын 1 нээс шинээр ажилд орсон. Асар хурдан ажилд орсон түүх маань.

********** 10-р сар **********

Солонгосын компани болохоор бүх юм нь 3н хэлээр байдаг.  Хийж байгаа ажил орчин бүх юм нь таалагдсан. Тэгээд 7н сард худалдаж авсан тасалбараа харуулаад визээ мэдүүлсэн. Тэгээд 7 орчим хоногийн дараа виз маань гарсан даа. Тэгээд ажилаа хийгээл явахдаа бэлдээл 10н сар дууссан байна даа.

********** 11-р сар **********

Заа удаан хүлээж хүлээж явахаар болсон орон маань Япон билээ. Япон руу 12 хоног аяллаар яваад ирсэн. Анх 7н сард билет авахад ирж очих нь Air-China -аар нисэхэд ойролцоогоор 480€ болсон. Тэгээд Бээжин дээр 2цаг хүлээж байгаад Токиогийн Ханаде дээр буусан даа. Манай үеэл Ёкохамад амьдардаг болохоор хамтдаа гэрлүү нь явсан. Баахан азиудынхаа дунд орсон болохоор гоё байсоон хахха. Очоод зөндөө олон гоё газраар явсан. Очмоор байсан олон газар зөндөө байсан ч гэсэн амжаагүй ээ. Дахиад явах юм чинь зүгээр дээ. Хамгийн их очиж үзмээр байсан Кенго Кумагийн барилгууд. Sunny Hills at Minami, Nezu museum, Asakusa Culture Center тэгээд Starbucks Reserve. Модоор хийсэн болоод ч тэрүү өөрөө дурлан дурлан очсон болохоор гоё байсан. Камакура бас нэг өдөр оччихоод ирсэн. Заавал хулсан ой үзмээр тэгээд Киото орж амжихгүй болохоор энд байдаг Hokokoju гэдэг хийд очоод ирсэн. Дараа нь Yuigahama beach орсон.Далайн эрэг дээр очхоор нээх гоё нар жаргахыг хараал суух бол аз жаргал юмаа. Солонгос кино үзэж байхдаа атаархдаг юм бол далай явхуу гээл очоод харчихдаг нь байсан. Очиж харахаар үнэхээр л тайвширдаг юм байна лээ. Энэ удаад Токиод нээх удаан байж чадаагүй ээ 2өдөр л болсон. Нээрээ би очоод өөрийнхөө анхан шатны япон хэлээ ашиглаж байгаад ирсэн хэхэ. Тэгээд гэртээ ирэхдээ баасан мисо шөл, салфеткан масктай ирсэн дээ. Уул шаралсан навч үзнэдээ гэж бодоод 11н сарын дундуур очсон ногооноороо л байна лээ. Германд буцаж ирсэн чинь нэлээн хүйтэн байсан.

********** 12-р сар **********

Шинэ жилийн уур амьсгал ороод энд тэнд гоёл чимэглэлээ засаад гоё байна аа. Би дахиад 2 дүүтэйгээ 2өдөр 1 шөнийн аялал Парис руу хийсэн. Тэр 2 нэг өдрийн өмнө очоод музей үзээд дараа нь надтай хамт Musée de l'Orangerie хамт явсан. Би өөрөө Atelier des Luminieres үзэх гэж очсон л доо. Гэхдээ ийм бага хугацаанд ийм их юм болж болдог юмуу гэмээр байсан даа. Яг энэ үеэр нийтийн тээвэр нь ажил хаялт зарлаад баахан жагсаал, бид нар ч гэсэн баахан алхсан. Бид 3 3лаа юмаа алдсан. Би утсаа, нэг нь түрүүвчээ нөгөөдөх нь картаа алдсан. Азаар тэр 2 буцаад олсон ч гэсэн би олоогүй ээ хайран миний японы зурагнууд байхгүй. Тэгээд одоогоор Парисд ойрдоо очихгүй гэж шийдсэн байгаа хахаха. Тэгээд бусдаар бол адилхан л зул сарын уур амьсгалтай шинэ жил болоол дууссан даа. 

********************

2019 оныг өөр улсад гаргасан болоод ч тэрүү энэ жил үнэхээр сайн явжээ. Ингэж их ийшээ тийшээ явахын тулд хажуугаар нь зөндөө ажиллаж бас бүх юмаа эртнээс төлөвлөсөн болохоор сайхан аялаж чадсан. Дахиад зөндөө их ийшээ тийшээ явах болтугай гээд энэ бичлэгээ өндөрлөе.  


Thursday, June 20, 2019

Шалгалтын дараа


Сайн уу, юу юугүй шалгалтын үе ирж байгаатай холбоотой нэг бичлэг бичмээр санагдлаа.

Энд оюутнууд шалгалтандаа өдөржин шөнөжин сууж бэлддэг билээ. Тиймээс та нар ч гэсэн тэгэж бэлдэж байгаа байх. Харин шалгалтын дараа заавал шалгалтын материалтайгаа танилцаарай гээд өөрт тохиолдсон явдалаа бичиж байна.

Герман улс хариуцлагатай улс нь үнэн боловч мэдээж хүмүүс л ажиллаж байгаа болохоор алдаа гаргалгүй л яахав.

Жишээ нь би нэг шалгалт дээрээ унасан юм. 2 дох удаагийн оролдлого байсан болохоор сэтгэл санаагаар их унасан хэхэ. Тэгээд дараа нь шалгалтынхаа материалыг харсан чинь бүтэн нэг хэсгийн оноог нь тооцоогүй , зарим зөв хариултыг нь буруу гэж үзсэн байсан. Тэгээд багшаасаа асуутал засаж байхдаа алдаа гаргасан байна энэ өргөдлийг бөглөөд өгөөрэй гэсэн. Мэдээж тэр өргөдөл дээр нь өөрийн нэр ,оюутны дугаар,аль хэсэгт оноо дутуу өгсөн, өөрийн чинь өгсөн хариулт яагаад зөв болох шалгтгаанаа бичээд гарын үсгээ зураад өгсөн. Энэ өдөрөөс ойролцоогоор 5н сарын дараа шалгалтандаа тэнцсэн хариугаа авсан. Энэ хугацаанд бас шаналсаан хэхэ.

Өөр бас нэг хоёр оноог дутуу бодох, буруу оноогоо тоолох гэсэн асуудал мэр сэр гардаг болохоор оноогоо өөрөө сайн нягталж шалгаарай дүн нь дээшлэх ч юм билүү тээ?

Тэгээд үнэхээр яалтчгүй унасан бол юун дээр алдснаа сайн хараад багшаасаа асуугаад авбал дараа нь дахин шалгалтаа өгөхөд хэрэг болно

Би өмнө нь за тэнцсэн л бол болоо, өө би өөрөө л буруу хийгээл унасан байх гэж боддог байсан болохоор шалгалтын материалаа нээх очиж хардаггүй байсан юм.

Тиймээс та нар шалгалтаа өгөөд дараа нь заавал шалгалтынхаа материалтай танилцах (prüfungseinsicht) боломжоо ашиглаарай гэж зөвлөж байна.

За тэгээд шалгалтаа амжилттай өгөөрэй Ü

Sunday, February 3, 2019

All about 2018

Заа ингээд 2018 оны дурсамжаасаа хуваалцая

********** 1-р сар **********

Шинэ он бас л эвгүй эхэлсэн дээ. 3нд номын сан орох гээд нотеоо аваад явсан юм. Тэгээл очоол асаах гэсэн асдаггүй ээ. Өмнө нь зөндөө олон удаа ийм байдалд орж байсан болохоор тэр үед хэрэглэж байсан аргуудаа хэрэглэж үзээд ч нэмэр болдоггүй шүү. Гэртээ хариад дахиад оролдоод үзье гээд буцаад ирсэн ч гэсэн ерөөсөө асдаггүй ээ Т_Т. Тэгээд үнэнтэй удалгүй эвлэрээд дэлгүүр ороод шинээр цэнэглэгч авахаар боловоо. Гэтэл миний цэнэглэгч бүр аль ч дэлгүүрт байдаггүй шүү. Яагаад гэхээр би анх авч байхдаа Америкаас захиж авчруулж байсан юм. Энд болохоор оролт нь өөр гээд байхгүй. За тэгээд юу ч гэсэн дахиад оролдоод үзэхээс гээд л энэ өдөр дууссан юм. Маргааш нь утсаа усанд унагаачихсан Т_Т
тэгээл анх жоохон алдаа гаргасаан. Шууд асаагаад гэхдээ ассан л даа тэгээд дараа нь задлаад будаанд хийгээд пааран дээр тавиад хатаасан. Хэсэг хугацааны дараа асаасан чинь Home button нь ажиллахгүй байсан. Тэгээд л дахиад л задлаал будаандаа хийгээд хатаасан даа. (Одоо 7н сард зайг нь нэг удаа сольсон зүгээр ажиллаж байгаа).

Ноте ажиллахгүй хичээлүүд дандаа онолын шалгалт байсан болохоор тэгээд хичээлээ хийгээл утсаа тултал ажилуулаад л явж байсан даа. Утасны маань зай бас хөөгөөд ард тал нь хаагдахаа больчихсон байсан. Хүмүүс хараад яанаа дэлбэрчих вий дээ гээд л хахаха. Энэ сар бас үнэхээр хүйтэн байсан. Бүр ойрын хэдэн жил болоогүй хүйтэн зөндөө л даарсан.

********** 2-р сар **********

Шалгалттай хүйтэн сар.

********** 3-р сар **********

Хүмүүсийн ярьж бичиж байсныг сонсоод хуучин хувцасаа H&M дэлгүүрт аваачиж өгсөн. Уул нь энд хувцас авдаг контейнар байдаг юм. Гэхдээ бүх дахин хэрэглэгдэхгүй болсон хувцасаа аваачаад өгвөл H&M даавууг нь дахин боловсруулдаг гэсэн. Хувцас аваачиж өгснөөр 15% хямдралын купон өгч байна лээ. Та ч гэсэн хуучин өмсөхгүй хувцасаа аваачиж өгөөрэй.

Ялангуяа энэ хувцас дахин боловсруулах явдалд Монгол хүмүүс илүү нээлттэй хандаасай гэж би боддог юм. Өмсөхгүй хувцасаа шатааж байхынхаа оронд угааж цэвэрлээд хандивын газар өгдөг ч юмуу эсвэл даавууг нь ашиглаад ямар нэг юм хийгээсэй. Таны өмсөж байсан хувцасыг өөр хүн өмслөө гээд танд ямар ч муу юм болохгүй гэдэгт би итгэлтэй байна. Миний сонссноор Ариг банк бүх салбар дээрээ авдаг гэж сонссон. Илүү мэдээлэл авах болвол Zero waste гээд Facebook групп байгаа.

Бас сайн найз маань буцаад Монгол явчихсан.

********** 4-р сар **********

Imagine Dragons тоглолт үзсэн. Үзнэ гэж  өнгөрсөн жилээс бодож байгаад билетийг нь авах гэсэн чинь дуусчихсан байсан. Тэгээл өө гэж бодож байснаа тоглолт болохоос өмнө үзэх боломжгүй болчихлоо гэсэн хүнтэй ярьж байгаад  билетээ аваал тоглолтоо үзсэн. Энэ удаад яг тайзны хажуунаас нь үзсэн. Гоё тоглолт болсоон.

********** 5-р сар **********

Монголд эхлүүлээд арай л сураагүй усанд сэлэлтээ дахиад сургууль дээрээ явж эхэлсэн. Хамгийн анхны өдөр очоод бүр шоконд орсон. Яагаад гэхээр бассейн нь гадаа Ö

********** 6-р сар **********

Манай байр мууртай болсон. Уул 2 байшингийн цаана амьдардаг юм байна лээ. Тэгээд гэнэтхэн л манайд амьдрахаар шийдээд хаха . Бид нар уул нь гэр лүү нь буцаахаар шийдээд хэсэг хоол өгөөгүй сүүлдээ эзэн нь ирээд манайд хоолыг 7 хоног болгон өгдөг болсон. Бас амьдралдаа анх удаа partialy black out болсон хаха

********** 7-р сар **********

Жинхэнэ шалгалт эхэлдэг сар билээ. Энэ сард өглөө сургууль руугаа яваад орой гэртээ ирж унтдаг өөр ямар ч үйл ажиллагаанд оролцоогүй өнгөрсөн. Сайхан мэдээ гэвэл 8н сард дахиад Brussels явж 2 жилд 1 удаа зохиогддог цэцгэн хивс үзэх билетээ авсан. Бас 9н сард Унгар явах билетээ авсан. Авсан билетээ харж баярлаад хичээлээ хийж байсан. Бас аймар халуун сар болсон. Уул нь ихэнхдээ л бороо ордог газар чинь бүр 37 хүрээд бас арай л халуун байсан.

********** 8-р сар **********

Brussels явж цэцгэн хивсээ үзсэн. Үнэхээр сайхан хүний хүч хөдөлмөр шингэсэн зүйл байдаг юм байна лээ 2020 онд дахиад явнаа л гэж төлөвлөсөн байгаа. Өөр шалгалтуудаа өгч дуусгасан бага зэрэг ажилласан.

********** 9-р сар **********

Манай дүү ирээд бид 2 энд нэг өдөр болоод тэгээд Унгар явсан. Будапешт сайхан хот байналээ. Тэгээд дүүгийнхээ амьдрах хот руу нь явсан. Бороо зөндөө орсон. Германд буцаж ирээд төрсөн өдрөө найзуудтайгаа тэмдэглээд  өдрийг хөгжилтэй өнгөрөсөн. Тэгээд дахиад л хичээл ортол баахан ажиллсан. Цаг агаар сайхан байсан. Аа бас Maroon 5 тоглолтын билет худалдаж авсан. Тоглолт нь дараа жилийн 6н сард болно ; ) Бас Орос  12.25нд очихоор болсон тэнд очиж шинэ оноо гаргана даа.

********** 10-р сар **********

Онц сонин юмгүй ажил хичээлдээ яваад л байна даа. Өө тийн бас HYOKOH 3н сард  FFMд ирнэ гэхээр бас билэтийг нь худалдаж авсан. Ер нь ажиллаж ажиллаж олсон мөнгөө тоглолт
үзэж аялалаар явж л дуусгаж байна даа.


********** 11-р сар **********

Мюнхэн  яваад найзтайгаа уулзаад DACH festival -д оролцоод ирсэн. Тэгээд хичээлдээ яваад ажиллаад л таарсан даа


********** 12-р сар **********

1 нд удаан уулзаагүй найзуудтайгаа уулзахаар Stuttgart явчихаад ирсэн.Цагийг үнэхээр зугаатай өнгөрүүлсэн. Байрныхантайгаа Nicolaustag тэмдэглээд бас нэг газар сайн дурын ажил хийгээд хүсэн хүлээсэн 25н болж Орос яваад дүү нартайгаа Шинэ оноо угтсандаа.

**************************

2018 он бол үнэхээр олон сайхан зүйл болж  өнгөрчээ. Хамгийн сайхан дурсамжууд бол мэдээж Imagine Dragons тоглолт үзсэн , зөндөө олон газраар зугаалсан мөн хайртай дүү нартайгаа шинэ оноо угтсан явдал юм.

Баярлалаа 2018 он минь Ü



Sunday, July 29, 2018

Rewinding the 2017

/ Хагасаас илүү жилийн дараа оруулж нь жоохон ичмээр л юм хаха/



2017 он бол үнэхээр мартагдашгүй сайхан жилүүдийн нэг мөнөөс мөн билээ.


********** 1-р сар **********

Заа шинэ он Hamburg  хотоос эхлээд тэндээс цаашаагаа Bremen  хотод очиж өөр нэг найзтайгаа уулзсан. Bremen  хот нь Бременийн хөгжимчид болох муур нохой тахиа илжиг гэсэн 4н амьтадаараа алдартай бөгөөд энэ 4ийн баримал зураг дурсгалын зүйлс зөндөө байна лээ. Энэ ямар 4н амьтан нь ах дүү Гриммийн үлгэр дээр гардаг ба юу билээ гэж бодож байвал миний дуртай энэ видеог үзвэл санах бизээ.

´´´´´´´´´´´´´´´´´´´´´´´´´´´´´´´

Ничего на свете лучше нету! 

Бременские музыканты

``````````````````````````````

Мөн үлгэрийн гэмээр гудамжнууд үнэхээр хөөрхөн хот байна лээ. Эндээс гэртээ буцаж ирээд сургууль ажил гэсэн хэмнэлээ буцан орсон  доо. Шинээр Kentaro Sakaguchi , Majik 2- ийн фен нь болсон. Ü

********** 2-р сар **********

Энэ сард шалгалттандаа бэлдээд л хажуугаар нь бага зэрэг ажиллаал тэгээл өнгөрсөн дөө. Нээрээ анх удаагаа Steurerklärung хийсэн. Энэ нь монголоор бол татварын буцаан олголт юмуудаа. Анх удаа хийж байгаа гээд анкетийг нь бариад очсон чинь заза гээд гарын үсэг зуруулаал  болчихсон хаха

********** 3-р сар **********

Энэ сард шалгалтаа өгөөд бас дахиад л нүүсэн. Шинээр орсон байранд маань дандаа оюутнууд амьдардаг үнэхээр хөгжилтэй яг л миний ideal байр. Шалгалтаа өгч дуусаад ажилсан. Манай гэрийн ойрхонд цэцгийн талбай байдаг юм байна лээ . Зөндөө олон алтан зул цэцэгтэй .

********** 4-р сар **********

Хамгийн чухал зүйл бол визээ сунгуулсан. Виз сунгахаас өмнө ашгүй нөгөө татварын мөнгө орж ирсэн. Хичээл эхлэхээс өмнө Marburg хот руу яваад ирсэн. Энэ хот бас нэлээн хуучины хот байна лээ. Хамгийн их таалагдсан зүйл бол энэ хотод Ах дүү Гриммийн үлгэрүүдийн онцлох санааг агуулсан жижиг барималуудтай тэгээд маршутын дагуу яваад тэдгээр барималуудыг олно. Ах дүү Гримм нь Үнсгэлжин, Улаан малгайт  Цасан гоо гээд олон алдартай үлгэрүүд зохиосныг та бүхэн надаар хэлүүлэлтгүй мэдэх байхаа. Илүү дэлгэрэнгүй мэдээлэл авах бол энд дараарай.

********** 5-р сар **********

Энэ сард ажилаа хийгээд хичээлдээ л явсан.

********** 6-р сар **********

Хүсэн хүлээж байсан Coldplay тоглолтоо үзсэн. Жинхэнээсээ үгээр хэлж үзгээр бичишгүй сайхан байсаан. Тайзнаас хэдхэн алхамын зайтай жинхэнэ доргио байсаан. Хэрвээ боломжтой бол жилд 1 удаа ч юмуу дуртай хамтлагын тоглолтоо заавал үзэж байгаарай гэж зөвлөж байна.

Өөр 6н сар бол албан ёсны гүзээлзгэний сар билээ. Найзуудаараа хамт гүзээлзгэнэ түүхээр явсан. Нэг талбай дээр очоод орохдоо авч явж байгаа саваа жинлүүлээд түүж эхлэнэ хажуугаар нь идээл хэхэ . Бараг идсэн нь их байхаа хаха тэгээд түүж авсныгаа жинлүүлээд худалдаж авна.

********** 7-р сар **********

Энэ сард их зүйл болсоон. Хичээл шалгалт 20н гээд дууссан.
Хийж үзмээр байсан зүйлийн жагсаалтанд байсан HOLIFESTIVAL оролцсон . Бас нэг харамсалтай зүйл бол Linken Park хамтлагийн дуучин Chester Bennington амиа хоролсон явдал билээ. 10н жилээсээ хойш фен болоод тоглолтыг нь үзнэ гэж боддог байсансан. T^T.

Хамгийн том онцлох үйл явдал бол Монгол яваад ирсэн. Гурван жилийн дараа очиж байгаа болохоор их л догдолж байсан. Гэхдээ ирээд эхний 7 хоног жоохон сонин байсан.  Нэг л бүх зүйл өөрчлөгдчихсөн байхад  би  л ганцаараа өөрчлөгдөөгүй байрандаа үлдчихсэн юм шиг хахаха. Гэхдээ хэд хоноод гайгүй болсоон

********** 8-р сар **********

Ээж намайг Архангай аймагт байдаг Хасу шивэрт гээд  сувиллалын газар явуулсан. Сайхан газар байна лээ хоол нь амттай,  халуун рашаантай бариа хийдэг. Ямар ч интернет байхгүй хахахаха. Тэнд 7 хонож ирчихээд тэгээд удаан уулзаагүй хүмүүстэй гээ уулзаад ээж аавдаа эрхэлсээр байгаад таарсан даа.

********** 9-р сар **********

Төрсөн өдрөө гэр бүл хамаатан садантайгаа тэмдэглэнэ гэдэг бол үнэхээр сайхан шүү дээ.
Автобуснд картаа уншуулж явах гоё байна лээ. Удаан уулзаагүй хүмүүстэйгээ уулзаад мах зөндөө идсэн гадуур хооллоход харьцангүй хямд хаха. Гэхдээ жимс , бяслаг, зарим нэг ногоо нэлээн үнэтэй байна лээ. 9н сард гэхдээ байгалийн зэрлэг жимс гараад бас зөндөө идсэн. Нэрс гэхэд л энд 100 грамм нь 1.5-2  euro байхад Монголд нэг килограмм нь 2-3 euro байх жиншээний. Тэгээл дүү нараа эрхлүүлээл кино үзээл Гэрэлт гудамжаар алхаал гоё байсаан.Усан бассейнд бүртгүүлсэн харамсалтай нь арай л сэлж сураагүй.

Нэг асуудалтай тулгарсан нь эрүүл мэндийн даатгал төлөөгүй олон жил болсон гээд шинжилгээ улсын эмнэлэг хийж өгөхгүй байсан. Ер нь гадаад байгаа хүмүүс нийгмийн даатгал бас эрүүл мэндийн даатгалаа яаж шийддэг юм бол? 2 талд зэрэг төлдөг юм болуу? Бас иргэний үнэмлэхээ сунгуулсан бас л хугацаа хоцруулсан гээд төлбөр нэмж төлсөн. Хүмүүст зөвлөхөд элчин сайдын яам дээр шинээр авах боломжтой юм байна лээ.

9н сарын сүүлээр буцаж ирээд Berlin-д хоноод хотоор зугаалаад ирсэн. Амтны хүрээлэнд байгаа амьтдыг хараад их өрөвдөлтэй санагдсан. Ялангуяа цагаан баавгай ;(

********** 10-р сар **********

10н сард явахаар удаан төлөвлөж байсан Amsterdam яваад ирсэнв. Гол зорилго маань Van-Gogh Museum очоод  дуртай зураг "Almond Blossom" -оо  эх хувилбараар нь харах. Яг очоод харсан чинь догдлоол нулимс гарах гэж байна лээ Ö. Тэгээд дараагаар нь Madame Tussauds орсон нэлээн төөрөхөөр газар байна лээ дээ. Цаг агаар жоохон онцгүй байсныг эс тооцвол сайхан аялал болсон. Дараа нь 4н сарын үеэр дахиж явна гэж бодож байгаа. Тэгээд л хичээл маань эхэлээд буцаад ажил хичээл амьдралын хэмнэлдээ орсон доо.


********** 11-р сар ********** 

11н сар нэлээн дулаахан сар байсан өөр ч шинэ сонин юм бараг болоогүй дээ

********** 12-р сар ********** 
Xmas market эхлээд гоё байсан. Найзтайгаа Bruges , Brussels оччихоод ирсэн. Энэ жил Brussels-ийн xmas market сэдэв нь Монгол улс байсан юм. Очиж хуушуур идсэн хаха.Хамгийн их сэтгэлд үлдсэн сайхан мөч бол бид 2 төв талбай дээр нь явж байтал гэнэтхэн шинэ жилийн дуу яваал гэрлэн шоу 15минут орчим болсон. Үнэхээр тийм юм болно гэж мэдээгүй байсан болохоор маш их баярласан. Шинээр podcast сонсож эхэлсэн зөндөө гоё ном уншсан.

********** Төгсөв**********

Заа 2017 он бол үнэхээр сайхан жил болсон билээ. Хийж үзэхийг хүссэн олон зүйлээ хийж хайртай хүмүүстэйгээ уулзасан адал явдалаар дүүрэн сайхан жил болсон.